Та коркалэн шулдырез
Мемей-дядяй вань ӵоже.
Та азбарлэн шулдырез
Вож гуждоръёс вань ӵоже.
Та бакчалэн шулдырез
Мак сяська вань ӵоже.
Тӧдь сяськаез вань ӵоже.
Льӧмпу сяська вань ӵоже.
Та бусылэн шулдырез
Ӟег сюрелан вадесэ
Возь вылъёслэн шулдырез
Вож турынъёс вань ӵоже.
Та нылмуртлэн шулдырез
Йыраз чалма понон ӵоже.
Та пиослэн шулдырез,
Азвесь часъёс шуккытозь.
Сьӧдчабейлэн чеберез,
Та урамлэн шулдырез,
Мынам пинал дауре
Пинал мылкыд вань ӵоже.