Кеч-мыняре пагыт эрталеш,
Ава шӱм йоча пелен лиеш.
Тидым кызыт веле умылем,
Аваем, аваем, аваем.
Шукертак шкежат улам ава,
Садак кӱдынет йоча лиям.
Вачышкет вуем мый пыштынем,
Аваем, аваем, аваем.
Ойленам дыр кочо мутымат,
Сусыртен чонетым, шӱмбелем,
Товатлен йодам чыла мондаш,
Аваем, аваем, аваем.
Сай шомакым веле ойлынем,
Шӱм гыч лекше семым пӧлеклем.
Кӱчык ӱмыретым шуйынем,
Аваем, аваем, аваем.
Тый улат гын, нимо деч лӱдаш,
Лиеш корным пеҥгыдын тошкаш.
Тыланет мый вийым ешарем,
Аваем, аваем, аваем.
Билет оза ӱдыр ужатыш,
Чеверын!
— пелештыш таҥем.
Вокзал шинчен кодо, лыпланыш,
Ярсен сомыл деч, куанен.
Припев:
Автобус вашка шочмо ялыш,
Изин-кугун чон вургыжеш.
А эртыше ныжылге жапым
Ӧндал шупшалалме шуэш.
Кузе чот ужнем шочмо верым?
Кайышаш кумыл утыр пыртка.
Йоча годсек лишыл вер-шӧрым
Куржталын ончал савырна.
Припев.
Вот почо шофер вошт омсажым —
Мый шулдырым пуйто налам.
Ончен кодо ӱдыр окна гыч —
А мый уло кертмын куржам.
Припев:
Куржам мый, куржам шочмо ялыш,
Вот тудо рашемын коеш.
А эртыше, ныжылге жапым
Ончал савырналме шуэш.
Ой, шӱшпык,
Ой, сар шӱшпык,
Моткочак йӧсӧ мыланем:
Таҥемже,
Шӱм таҥемже
Каяле, мыйым кудалтен.
Припев:
Умылен кертат мо
Тидым тый, ала?
Лачак иктым шӱм йодеш:
Шӱшкалте, тек тӱня мура!
Ала чонемлан луш, ласка лиеш? 2 гана
Тӱняште,
Ош тӱняште
Айдемын шӱм пелаш лийшаш.
Уке гын,
Я уке гын,
Лиеш пычкемыш пӱрымаш.
Припев.
Ой, огеш лий тидым умылаш.
Самырык, ораде чоныш пиже
Йӧратымаш, йӧратымаш.
Кайык муро дене темше чодыраште,
Кече дене модшо куэрлаште
Мыйын ныжыл муремже йоҥгалтше,
Мурыштемже — чон шонымем.
Ошкылам кумда лупсан нур дене,
Чинче семын тудо йылгыжеш.
Муро ден ӱжам мый — толжо манын
Йӧратымаш, йӧратымаш.
Ах, муремже, чоҥеште торашке,
Изи шӱдыр чеченем коклашке.
Ну, а шке моткоч лӱдам мый,
Ах, лӱдам, лӱдам толмыж деч.
Но арам, векат, мурем йоҥгалте,
Колын огыл тудым шӱмбелем,
Но ты шӱдыр гай эре волгалтын
Йӧратымаш, йӧратымаш.
Кайык муро ден темше чодыраште,
Кече дене модшо куэрлаште
Чеверласышым мый пӱрымаш ден,
Чеверласышым, йӧратен.
Арымшудо, арымшудо,
Кочо, кочо тый улат.
Пален омыл мые тудым
Лиеш кочо илышат.
Припев:
Арам тудым колыштальым,
Уло чон ден ӱшанен.
Арам шудеш шӱрен мӱйым
Ондален мыйым коден,
Ондален мыйым коден.
Илыш кече, илыш кече,
Поро, поро лийынат.
А каем таҥем воктечын —
Кочо-кочо шӱлашат.
Припев.
Арымшудо, арымшудо,
Вӱдыдегычак лектат.
Палем ынде мыйже тудым —
Лиеш кочо кечыжат.
Припев.
Шывыр-шовыр шовырем
Кас уремышке чием.
Шовыч ошо, сар тӱрем,
Шупшын налже сай таҥем.
Припев:
Ах, таҥем, ах, таҥем,
Тыланет чыла ыштем.
Тыланет ӱпем пунем,
Тыланет ӱпем рудем.
Йыли-юли шергашем
Ик парняшке вел чием.
Еҥ налнеже — парням кыртмен,
Луш ыштем — налеш таҥем.
Припев.
Кыдыр-кудыр шем катам
Тавалташ чиен лектам.
Еҥын чоным йӱлалтем,
Почешем таҥем кондем.
Припев.
Шовырым чием — тылат ок келше,
Шовычым пидам — от кой шыман.
Ший алгамын чылдыр-чылдыр семже
Йӱкет гае чытырна, ит ман,
ах, тый ит ман,
ит ман.
Ваштареш шогалын тавалтем гын,
Вуйым шупшын ӧрканен лектат.
Тиде йолташем ден мом ыштем гын?
Пырыс ок коч кой(ы)шыжым, товат?
Припев.
Ах, шовырем, ах, шовырем,
Тӱрлен-тӱрлен кодалын йӱд омем.
Кунар йоген шинчавӱдем,
Лач тый палет, сӱанлык шовырем.
Тошто йолташемым ом сӧрвале,
Муралтем, вес чоным савырен.
Кидпӱан гыч у йолташым нальым,
Тый корнем ит шогылт авырен!
Припев.
Шовырым чием — келша таҥемлан,
Ончалам вел — шыргыжал мошта.
А мондалтше тошто йолташемже
Тек йомакым весылан колта!
Припев.
Могай сай ош тӱняш шочаш,
А вара модын куржталаш.
Олыкыш лекташ, пеледышым кӱрлаш
Тудын тамле пушыж ден вуйым аҥырташ.
Припев:
Висвис, висвис, оҥай пеш лӱм
Могай йоча пуэн тылат?
Висвис, висвис, молан тынар
Йоча жапемым шарныктет?
Шарнет мо тые, ик кастен
Вашлийыч адак, висвисым пӧлеклен
А вара, чон почын каласен,
Йӧратет мо тый?
— йодыч мый дечем.
Припев.
А вара кайышыч весе ден,
Тудлан тый адак висвисым пӧлеклет.
Молан мый тыйым шарналтем,
Кунам кучем адак вивисым кидышкем.
Припев.
Пырля кошмынам моткоч шуко гана
Кӧраналын ончен арама.
Молан, йолташем, сыренат мыланем,
Садышкат тый от лек арамак?
Припев:
Ужат, куанен,
Тылзат шаҥгысек шыргыжеш,
Тӱня тӱзланен
Мемнан рвезе пагыт лӱмеш.
Ялт тулык гай лийын чатка арама,
Лекмынажым вуча, шӱмбелем.
Мый вуйым ом пу ойгылан нигунам,
Тыланет ты мурем пӧлеклем.
Припев.
Ойла чыла калык тыге ожнысек:
Йӧраташ огеш лий кок гана.
Мыят ӱшанем, арамат ӱшана:
Адакат ме пырля лийына.
Припев.
Ош волгенче гай улмаш
Вучыдымо вашлиймаш.
Тыйым тудо волгалтен,
Мыйым тудо когартен.
Вачышкет эҥертенам,
Монденам тыглай тӱням.
Сӧрыде ӱшандарен
Тиде чон пайрем.
Припев:
Кӧ вашлийын, тудо ойырла,
Чоным огына поч ойгылан,
Юмо пӱрен, да вашлийынна.
Чӱктена ала эше сортам,
Оҥышкет тайнен, эше шортам,
Юмо пӱра гын, вашлийына.
Кайыккомбо корнышкем
Мый лектам гынат, шкет, —
Шӱлык шӱдыр гай шула,
Чоныштем эре улат.
Мландывалне тый коштат,
Шонкалет гынат, йыштак.
Кӱдыроҥгыр гай шыма
Шылтыме шомак.
Припев.
Тиде ныжылге тӱняш
Толынна ме вашлияш,
Йӱкдымын шинчаш ончаш,
Ойлыдымым умылаш.
Ит чамане нимомат,
Ом чамане нимомат;
Лийын мо, эртен — кодеш
Тиде ю чонеш.
Припев.
Изи кайык, шӱшпык кайык,
Ломберем гычын ит кай,
Кече лекме велыш ончен,
Шӱшкалтен ойгем наҥгай.
Таҥет весын ман ит муро,
Таҥет уке итак ман.
Сондык тич кумалтыш тувыр,
Велыжан да тӱрлеман.
Эртен кая, пурен лектеш,
Пурен лектеш, шыргыжеш.
Йолташемын йолташыже
Мый декем йӱкташ толеш.
Ош солыкым пӧлеклем,
Пиалемым пӧртылтем.
Сӱанышкем ончаш пуро,
Ончаш пуро, йолташем.
Ончаш пуро — умылет,
Тодылалтеш кумылет.
Мый шыргыжал ошкыл колтем,
Ошкыл колтем воктечет.
Весым эрден ужатем,
Налаш лектам, шыматем.
Весе ден вычыматем,
Весым ынде йӧратем.
Весым эрден ужатем,
Налаш лектам, шыматем.
Весе ден вычыматем,
Шонен иле, йолташем.
Шонен илаш тӱҥалат вет,
Ӧпкелаш тый тӱҥалат.
Ах, йолташем, йолташем,
Мый денем мом ыштылат?
Вик ок эрте илыш курым,
Шуко йӧсым чытыман.
Тудо тӧрсыр тайыл курык —
Кӱзыман да волыман. 2 гана
Тудо чылт эҥер гай кадыр:
Тыш да туш савырналеш.
Вет муаш вик корным кызыт
Илышыште йӧсӧ пеш. 2 гана
Ӧпкелаш вием ок сите
Тыланда, ача-авай.
Шере-кочо илыш икте,
Нумалам киндерке гай. 2 гана
Вик ок эрте илыш курым,
Шуко йӧсым чытыман.
Тудо тӧрсыр тайыл курык —
Кӱзыман я волыман. 2 гана
Адакат тый толын лектыч,
Титаканла вуй савен.
Шарналташ йодат шукертсым,
Илышетлан ӧпкелен.
Припев:
Илышлан тый ит ӧпкеле.
Пӱрымаш ок лий асат.
Илыш — тиде йӱштӧ теле,
Шошо, шыже, кеҥежат.
Тый ит ойло тиде мутым.
Весым сай мо титаклаш?
Лектынат гын жап ден утыш,
Ынде нигӧлан сыраш.
Припев.
Лучо тый ончал яндарын
Илыш-корным, савырнен,
Да корнетым волгалтаре,
Волгалтаре шӱм тул ден.
Припев.
Айста муралтен колтена, да
Куку мура ман шонышт.
Айста шӱшкалтен колтена, да
Шӱшпык шӱшка ман шонышт.
Айста тавалтен колтена, да
Алаша тава ман шонышт.
Айста койышланен колтена, да
Морко сӱан ман шонышт.
Индеш ияш алашаж ден
Индырен-индырен толын улына.
Кандаш ияш алашаж ден
Кандарен-кандарен толын улына.
Шым ияш алашаж ден
Шымлен-шымлен толын улына.
Куд ияш алашаж ден
Кутырен-кутырен толын улына.
Вич ияш алашаж ден
Вискален-вискален толын улына.
Ныл ияш алашаж ден
Налашак шонен толын улына.
Кум ияш алашаж ден
Кумылдам ончаш толын улына.
Кок ияш алашаж ден
Койышдам ончаш толын улына.
Ик ияш алашаж ден
Илашак шонен наҥгаена.
Ик ияш алашаж ден
Илашак шонен наҥгаена.
Торташте — пӱгӧ, пӱгыштӧ — пеледыш.
Пеледыш коклаште — ший оҥгыр.
Ший оҥгыр йӱкан, пеледыш чуриян
Тул гай ӱдырым наҥгаена.
Моркинский улына да
Мланде пашам ыштена.
Олык шудым солена,
Веселан ме илена.
Кушто ӱян муныда?
Кушто шӧран лашкада?
Качын изаже шке улам —
Кушто наҥгайышаш ӱдырда?
Морко район гыч улына.
Ялже йотке палынеда гын,
Кожлаял гыч улына.
Керташыжат кертына,
Кедровый улына.
Мошташыжат моштена да
Моркинский улына.
Кожлаялын изи пийже
Ам-ам, малдалеш.
Ончыл шогышо ӱдыржӧ
Мыят мием, малдалеш.
Ой, кертна вет, кертна вет,
Ондаленак кертна вет.
Мӧрӧ погаш наҥгаена манын,
Вате лияш наҥгаена.
Ой, чеверын, чеверын,
Эше ик гана чеверын.
Теже мемнам, меже тендам
Мондаш огыл нигунам.
Ӱяк-мӱяк чучеш гынже,
Эше ик гана вашлий(ы)на.
Шерын-шопын чучеш гынже,
Тидыжланат пеш тау.
Кастене, кунам ойырлаш жап шуэш,
Ойлет, вожылалын, мылам тый уэш:
Эрла адакат ме вашлийына
.
Индеш шагатлан, индеш шагатлан
Жап дечын ондак вашлиймашке каем.
Молан гын тынаре йӱла шӱм-кылем?
Вет мыйже палем: толеш сай таҥем
Индеш шагатлан, индеш шагатлан.
Ок чаре нимат, кеч тораште лиям,
Садак тый декет, шӱмбелем, пӧртылам.
Вет мыйым вуча эн шерге айдем
Индеш шагатлан, индеш шагатлан.
Тый шинчатым ит кораҥде,
Тиде йӱд — мемнан гына.
Эр толеш гын канде-канде,
Мондена гын чон пораным,
Ит чамане, ит чамане —
Шарнымаш кодеш шыма.
Припев:
Чеверласе таче огыл,
Ойырлаш гын, кызыт огыл, а эрден.
Ӱжара тул нӧлтмӧ годым
Весе деке мый шупшалын ужатем.
Ит шонкале, шӱлыкаҥын,
Шыргыжал, лӱмем шарнен.
Ыле ныжыл, лишыл манын,
Ит чамане, ит чамане —
От керт жапым савырен.
Припев:
Чеверласе таче огыл,
Ойырлаш гын, кызыт огыл, а эрден.
Ӱжара тул нӧлтмӧ годым
Ӱмырешлан мый шупшалын ужатем.
Чевергыш пызле суртна воктен,
Шӱмбел ялемым йыр волгалтен.
Ах, пызле, пызле, тамлен ом тем
Ал пызлыгичкым, — вашке каем. 2 гана
Ит шорт, авай,
Ит шорт, авай,
Мый пӧртылам, ӱшане, ах, ит шорт, авай!
Ит шорт, авай,
Ит шорт, авай,
Керек-куштат лият тый пеленем, авай.
Эрта кок теле, эрта кок май.
Таҥем, ит мондо, марлан ит кай!
Шинчавӱдетым шупшал коштем,
Тыгаяк ныжыл код ушыштем. 2 гана
Ит шорт, таҥем,
Ит шорт, таҥем,
Мый пӧртылам, тый вучо, йӱксӧ гай таҥем!
Ит шорт, таҥем,
Ит шорт, таҥем,
Ош солыкет гай лийже пӧртылмӧ корнем.
Пытартыш кече. Пытартыш кас.
Пытартыш семжым пӧлеклыш вальс.
Каласыш пызле: чеверын кай!
Ах, пызлыгичке чевер могай. 2 гана
Ит шорт, авай,
Ит шорт, авай,
Мый пӧртылам, ӱшане, тый ит шорт, авай!
Ит шорт, авай,
Ит шорт, авай,
Тек арала тораште сугынет, авай!
Кушто улат тый, таҥем?
Тыйым вел мый шонем.
Мом ышташ, куш пураш?
Кодеш лач ойгыраш.
Припев:
Куэ гай кап-кылет,
Ныжылге ошкылмет —
Эреак шинчаштем,
Йӧраталме таҥем.
Омо денат мый ужам
Эре тыйым, таҥем.
Йӱкетат мый колам,
Сылне ший оҥгырем.
Припев.
Ӱшанем, толеш жап,
Ме тунам адакат
Вашлийына ӱмыреш
Курымлан... Курымеш.
Припев.
Пӧрдын-модын, ош лум волыш,
Возо эркын кайыме корныш.
Пеленемак йӱкет йоҥгыш:
Мыланем ӱшан тый лий
.
Но садак чыла мондалте,
Пӱрымаш ден йӧрымалте.
Молан шӱмыштем волгалте
Йӧратымашын юзо вий?
Припев:
Йӧратымашым огеш лий мондаш,
Йӧратымаш ден огеш лий модаш,
Йӧратымашын уло юзо вий,
Кучен коден, шылташ ок лий. 2 гана
Чинче гае лумын вӱдшӧ —
Йӱштӧ телын шинчавӱдшӧ.
Нӧрыш тудын дене ӱпшӧ,
Кошкыш мыйын кидыштем.
Но поран луген ушемым,
Кӱрыштеш мардеж чонемым,
Кодыш шкетын кумылемым.
Ынде мые мом ыштем?
Припев.
Тый ончал, шарналте телым,
Йӧраталме ныжыл семым:
Пӧрдынна ме ош лум семын
Мланде валне, чоҥештен.
Но садак чыла мондалте,
Пӱрымаш ден йӧрымалте.
Молан шӱмыштем волгалте
Йӧратымашын юзо вий?
Припев.
Кынам толам шачмы вӓрыш,
Йӓнгем йыла со малан вӓл?
Йӓнгем йыла-а-а...
Вӓшлиймашнам ӓшталал.
Кӹзыт, тӓнгем,
Кӱм вӓшлиат вӓл? 2 гӓнӓ
Валгалт кемык парсын жера,
Йӓнгем йыла со малан вӓл?
Йӓнгем йыла-а-а...
Лӓскоэтым ӓшталал.
Їнде ласкан
Кӱм элталет вӓл? 2 гӓнӓ
Пелед шӹцмык Йылнан сиржы,
Йӓнгем йыла со малан вӓл?
Йӓнгем йыла-а-а...
Цеверетым ӓшталал.
Шӱмын цӓшем
Кӱлан пушыч вӓл? 2 гӓнӓ
Кынам толам шачмы вӓрыш,
Йӓнгем йыла со малан вӓл?
Йӓнгем йыла-а-а...
Вашлимашнам ӓшталал.
Кӹзыт, тӓнгем,
Кӱм вӓшлиат вӓл? 2 гӓнӓ
Тетла памаш воктек кастен ом вашке,
Палем, нигӧ ок вучо чон йӱлен.
Таҥемже лие вес еҥын пелашше,
Лач шочмо велне йӧрыш шӱдырем.
Припев:
Йомдарыме, йомдарыме пиал.
Кӧ пӧртылта мыламже тудым ынде?
Сар шӱшпык кумылан эрвелне ӱжарам
Кӧ дене вашлиям мый, порын шыргыж?
Кузе гын тидым умылаш, мардеж, каласе.
Мо дене кочо шӱмым паремдаш?
Ала пиал иктаж вере тораште
Тугак вуча мемнажын толмынам?
Припев.
Кайыккомбын толмыжым
Вашлиялна коктын ме.
Кызыт нуным мӱндыркӧ
Шкетын ужатем.
Тиде мурым колыштын,
Кузе шӱмын шолмыжым
Увертар(ы)за ӱдырлан
Кайык йӱкда ден.
Эре шошо ок лий вет —
Оралга ший топольжат,
Садернан йолгорнышко
Йӱштымат конда.
Илыш тополь огыл-ла,
Оралга шӱм шошымат,
Кумшын йӱштӧ орлыклан
Мужырым руда.
Шыжым сад пеледмылан
Ит ӱшане пешыжак,
Но мемнан келшалме гыч
Шарнымым кодал.
Веселаҥын ожсылак
Ошкыл колто йӱксыла,
Шӱлыкетым весылан
Итак ончыктал.
Кайыккомбын толмыжым
Вашлиялна коктын ме,
Кызыт нуным шокшо век
Шкетын ужатем.
Тиде мурым колыштын,
Мо сай кодын чонышто —
Шонымемжым, кайык-влак,
Ойлыза мурен.
Какшан сер ӱмбалне ломбо
Лумла койын пеледеш.
Шӱшпык муро ӱдыр чоным
Йӱлалтале кас велеш.
Коштеш ӱдыр сер воктене,
Кодшо шошым шарналтен,
Тунам тудо ик кастене
Таҥже дене ойырлен.
Юл вӱд серыш кайыш каче,
Кунам тудо пӧртылеш?
Письмам веле ӱдыр таче,
Чонжо вургыжын лудеш.
Воза каче: Жап шумешке
.
Ӱшанен илал мылам.
Угыч ломбо пеледмеке,
Тый декет мый пӧртылам
Какшан сер ӱмбалне ломбо
Лумла койын пеледеш.
Шӱшпыкланже ӱдыр чоным
Йӱлалташ шагал кодеш.
Тиде ялыш толмекемже
Шӱшкалтен колтем ыле.
Ужава гай яндар йӱк ден
Муралтен колтем ыле.
Урем дене кайымем годым
Тулет коеш — пурышым.
Тулет коеш — пурышым да
Шкетын улат шонышым.
Ик ялыште ӧндална да
Вес ялыште шупшална.
Тышке толшо ӱдыржылан
Таҥым кучаш сӧрышна.
Мемнан чыве чоя чай да
Агытанжым мокта чай.
Тиде ялын ӱдыржылан
Гармонистна келша чай.
Изи веле пӧртетше да
Мо пеш шуко окнатше?
Изи веле капетше да
Мо пеш шуко таҥетше?
Муралтенат кертына да
Шӱшкалтенат кертына.
Кандаш йолан таракан гай
Тавалтенат кертына.
Канде каваште шуко пеш шӱдыр,
Иктыжлан веле чонем йӱла.
Тыйым вашлийым, йӱксӧ гай ӱдыр,
Молан шӱмемже утыр кыра?
Припев:
Лывыла модын, ошкыл кайыметшым
Кажне гана умбачын ончем.
Кече гай шыргыж, ваш ончалметшым
Мондаш ала огеш лий шонем.
Мыйже шижам вет, тидым от пале,
Да тыланет йӧршеш нимолан.
Уло шӱм-чон ден весым йӧрате,
Шке семынет тый лий пиалан.
Припев.
Роза пеледыш — сылне пеледыш,
Молан пеш вара тый пеледат?
Самырык пагыт — ош мӧр пеледыш,
Ик гана веле молан толат?
Припев.
Канде шинчам йӧратем,
Василек гаяк чевер.
Кунам тудым вашлиям
Пелед кая йырым-ваш.
Припев:
Канде шинча, молан
Мыйын шӱм ден модат?
Молан тые ойлет
Йэратем, йэратем!
А вет шкеже кает
Весе ден вашлияш.
А вет шкеже кает
Весе ден вашлияш.
Тый денет пеш весела, —
Канде шинча каласа. —
Тыйже мыйым кудалтен,
Весе дек кает адак.
Припев.
Лыжган-лыжган тый ойлет,
Йӱкет тыйын кӱсле гай.
Тыйже мыйын пиалем
Весылан пуэт ала?
Припев.
Илем мый, ӱшанен,
Сай йолташым эрташ,
Сай йолташым муаш,
Тудлан чыным ойлаш,
Тудлан чыным ойлаш:
Ончал мыйын шинчаш.
Йӧратет гын тый мыйым,
Чаманет гын тый мыйым,
Чоныштем ожсо гай
Пеледеш чевер май.
Ит йэслане, таҥем.
Кэ мошта йэратен,
Тудын шӱмжӧ уэш
Сай йолташым муэш.
Тудын илыш лиеш
Весела ӱмыреш,
Тудым кече моктен
Шымата, йӧратен.
Йӧраташ уло чон ден,
Йӧраташ уло шӱм ден —
Тиде илыш пиал,
Тиде шерге пиал.
Ой, кеҥеж йӱд, кеҥеж йӱд,
Могай сылне улат.
Яндау гай ер вӱд,
Волгалтеш ӱжара.
Йырым-ваш тамле пуш,
Йырым-ваш яндар юж.
Ласка еҥлан шӱлаш,
Чон ӱжеш чоҥешташ.
Чоҥешташ кайык семын,
Чоҥешташ лыве семын
Поро сай йолташ ден,
Чыла ойгым монден.
Келесӹ, келесӹ
Тӹнь тольыц кышецӹн,
Кыце монат корныжым тиш?
Тӹнь ат ыл ылгецӹ,
Кӱм вӓшлиӓм весӹм
Дӓ кӱ доно кем Йылжы лиш? (2 гӓнӓ)
Тӹнь тольыц. Їндежӹ
Мӹньӹн шӱмӹштемжӹ
Цилӓ, шошым гань, ӹлӹж кеш.
Чонгештӹмӹлӓ чучам,
Кынам тӹньӹм ужам,
Дӓ ам тырхы у вӓшлимеш. (2 гӓнӓ)
Сӹнзӓшкет анжалам,
Пиш ласкон анжалам
Дӓ большыжы ам уж нимат.
Лач мӓ коктын веле —
Яратышы пелӓш —
Ылына земля вӹлнӹжӓт. (2 гӓнӓ)
Кычалам кидетӹм,
Иквӓреш ашкедӓш
Линежӹ вет курым мычкок.
Тенгелӓ вел лижӹш:
Сусу яре шижӹ
Цӓшӓн ире шӱмнӓ соок. (2 гӓнӓ)
Тевыс ошын, йошкаргын, то кандын коеш,
Кеҥеж кечын сӧралын мландем пеледеш,
Шым тӱсан шонанпыл пуйто возын канаш,
Уке тудын тӱҥалтыш, уке тудын мучаш.
Вӱчкалта, шымата, чӱчка леве мардеж,
Ок шогал каналташ, писын тудо куржеш,
Чевер олык тарваныш унам ужаташ,
Кумылет эше лекше мемнан дек толаш.
Куржо веле мардеж, йӱр толаш тарвана,
Койын пыл оварга, шемемеш, кожгана.
Кӱдырчат мӱгыра, рашкалта, лӱдыкта.
«Кӱдырчан кеҥеж йӱр», - маныт, - писын эрта.
Чып-чып-чып йӱр йӱреш, кошкен мланде йӧршеш,
Куанен шӱлалта до йӱр вӱдым йӱэш,
Тудо вийым пога, юарлен йӱштылеш
Да пеледше чурийже йочала шыргыжеш.
Шӱмемын вургыжмым от чаре.
Куатле тулым кӧргыштем от нӧртӧ.
Тыгае мый улам — ом келше?
Чурийым кочо шинчавӱд ок нӧртӧ.
Припев:
Кеч ужынат коклан шинчамым ночкым,
Да шкат ом шылте — пушкыдо чонем.
Йӱран игечыште мый шортын шочым,
Садлан кунамже вӱдыжген йоҥга семем.
Чонемын сем ӱжеш торашке,
Мурем йоҥгалтше шӱдыран кавашке.
Улам мый шкетын ты тӱняште,
Яндарле кумыл, икшыветым сакле.
Припев.
Кече лектеш, ончалеш,
Мардеж лектеш, пуалеш.
Канде тӱран носовикем кошкалеш.
Эрта, эрта ӱмырем,
Кодеш, кодеш кумылем,
Уке мыйын йӧратыме йолташем.
Эх, йолташем, капка ончык лектын,
Канде тӱран носовикет рӱзен ит шого.
Тыйын весе уло гын,
Мыйынат лийын кертеш,
Тыйын верчын чонжо йӱла манын ит шоно.
Тые олмапум шындышыч —
Мые вӱдым оптышым,
Ик олмажым налам гынат, тый сырен от керт.
Мый тый денет келшышым,
Тый весе ден кайышыч,
Мый весе ден каем гынат, тый сырен от керт.
Кече лектеш, ончалеш...
Мардеж лектеш, пуалеш.
Канде тӱран носовикем кошкалеш.
Эрта, эрта ӱмырем,
Кодеш, кодеш кумылем,
Уке мыйын йӧратыме йолташем.
Йӱд ден кече варнышт —
Кайышна кок велыш.
Шӱшпык мурым чарыш —
Кайышна кок велыш.
Кӧ осалым шарныш?
Кайышна кок велыш.
Ойго ден шӱм ярныш,
Кайышна кок велыш.
Припев:
Йӧрыш чолга кумыл,
Тый уке улат да...
Коштеш почеш кумыт,
Тый уке улат да.
Кид гыч велеш сомыл,
Тый уке улат да.
Мурызо мый омыл,
Тый уке улат да.
Шонымашем весе —
Мый ынде ом вучо.
Ыльыч чонло рвезе —
Садыгак ом вучо.
Но палем ик кечын
(Шукертсек ом вучо...)
Толат тора вечын —
Кӧ манеш, ом вучо?
Ыльыч тый йӧратыме...
Ыле сылне жап...
Сырыме, сӧрасыме...
Йомын чылажат.
Сӧрымӧ, товатлыме
Курым-курымлан.
Шкет лиймек, товат, ынде
Йӧсӧ шӱм-чонлан.
Припев:
Кӧ шонен, рвезе жап эрта манын,
Рвезе годым чыла курымаш.
Латкандаш ияш годым шӱмаҥын,
Шӱм тулнаже ыш лий пӱрымаш.
Ӱшык дене ломбыжо
Вӱдылын тунам.
Умыленак колыштын
Шып ойлымынам.
Но мардеж наҥгайыш мо
Йӧршын весемден? —
Шӱм-чоннажын лайыкшым
Покшым кылмыктен.
Припев.
Ломбо укшым тодылмо —
Ок керт пеледалт,
Эр лупс пырчым подылмо —
Ыш код палыжат.
Самырык жап мӱндырнӧ —
Йӱкымат ыш пу.
Тый дечет сай ӱдыржым
Нигуштат шым му.
Припев.
Кӧн пелашыже лият, каласе,
Кӧн гын пиалеш тый шочынат?
Кӧн шинчаштыже улат ӱмашсек, —
Тидым, поро ӱдыр, тый шижат?
Тый палет, кузе мый кодшо шошым
Муралтальым тыйын лӱмешет?
Погышым пеледышым мый ошым,
Пӧлеклаш шональым тыланет.
Но шинчат тугае — вигак йомым,
Да пеледыш кошкыш кидешем.
Эшеат мый тидым монден омыл,
Кызытат пеледыш шӱмыштем.
Кидыштемже — пеледыш аршаш,
Чоныштемже — чечен муро сем.
Ала тыйым чотрак ӧндалшаш?!
Огыл, лучо кидетым кучем.
Припев:
А кидет пешак шокшо, таҥем,
Но чонетше могай — кӧ пала?
Воктенетше лум гае шулем.
Шокшо тулым чонем арала.
Ой, молан пешак йӧсӧ мылам,
Кеч чонет ден шӱмем кутыра
ӧлтыштетше йочала йомам,
Ойлымет — рончалтшаш мундыра.
Припев.
Тый ит саке чонем кандыраш,
Да ит кер кошар имым шӱмеш.
Лучо тыйым чотрак ӧндалшаш,
А кидетше?.. Вучалын кертеш.
Припев.
Кукум ужын, кайык от лий,
Йӱкшым колын, ойган от лий,
Куку лияш, ойган лияш
Куэ вуеш кӱлеш шочаш
Кӱлеш шочаш.
Куэ вуеш шочын огынал,
Шопке вуеш кушкын огынал.
Молан вара ойган семым
Шӱм-чон мура куку семын,
Куку семын?
Рвезым ужын, таҥан от лий,
Пырля ошкыл, мужыр от лий.
Таҥан лияш, мужыр лияш
Шокшо шӱмым кӱлеш муаш,
Кӱлеш муаш.
Йӱштӧ шӱман лийын огынал,
Йӱштӧ чонан лийын огынал.
Молан вара куку семын
Чонна луктеш тулык семым,
Тулык семым?
Аваем, ит вурсо, ит шылтале,
Шошым веле ломбо пеледеш.
Олыкыш волалын, пеледышым налын,
Пеледышла волгалтмем шуэш.
Урем гыч ит вучо тый, касалын —
Латкандаш ий ик гана лиеш.
Йӧратен йӱлалын, лӱдын вургыжалын,
Рвезе шӱм сай таҥжым вашлиеш.
Арамак ит лек налаш — пелйӱдым
Мураш веле шӱшпык тӱҥалеш.
Йӧратымем кӱдынь южшат шере мӱй гай —
Ой, молан кеҥеж йӱд кӱчык пеш.
ӧпкелыде поч капкам эрдене —
Омо шулдыр шинчам леведеш.
Тиде шып эрдене тамле омо дене
Таҥем угыч вашлиймем шуэш.
Латкок басан гармоньжым
Шокталалмет вел шуэш,
Чевер чуриян ӱдыржым
Ӧндалалмет вел шуэш.
Чылан:
Э-ха, э-ха-ха!
О-ха, о-ха-ха!
Чевер чуриян ӱдыржым
Ӧндалалмет вел шуэш.
Ӱдыр-влак:
Чылдырий каче, ит койышлане,
Койышан ӱдыр онал вет.
Ӱдыръеҥлан раш каласе:
Мемнан шинчаш мом ончет?
Чылан:
Э-ха, э-ха-ха!
О-ха, о-ха-ха!
Ӱдыръеҥлан раш каласе:
Мемнан шинчаш мом ончет?
Пӧръеҥ-влак:
Ӱдыр-шамыч, ида сыре,
Ме мыскарам ыштена.
Чевер ӱдыр, тол-ян тышке,
Айда пырля куштена.
Ӱдыр-влак:
Мурем ыле, мурем уке,
Мурем — курык коклаште.
Мыйын шӱм-кыл таҥем уке
Нине каче коклаште.
Чылан:
Э-ха, э-ха-ха!
О-ха, о-ха-ха!
Мыйын шӱм-кыл таҥем уке
Нине каче коклаште.
Пӧръеҥ-влак:
Ме муренат кертына,
Ме куштенат кертына,
Тендан гае ковыражым
Савыренат кертына.
Чылан:
Э-ха, э-ха-ха!
О-ха, о-ха-ха!
Тендан гае ковыражым
Савыренат кертына.
Ӱдыр-влак:
Эх, ох, манам да
Тетла нимом ом ойло,
Ынде тендам ом шоно, да
Тетла чонем ок йӱлӧ.
Чылан:
Э-ха, э-ха-ха!
О-ха, о-ха-ха!
Тетла тендам ом шоно, да
Тетла чонем ок йӱлӧ.
Чылан:
Ох, шовырдик, шовырдик,
Таҥда уке — йывылдик.
Уло гынат, шкенан,
Уке гынат, шкенан.
Э-ха, э-ха-ха!
О-ха, о-ха-ха!
Уло гынат, шкенан,
Уке гынат, шкенан.
Э-ха, э-ха-ха!
О-ха, о-ха-ха!
Лывыла лум йога, пӧрдын-модын,
Шарныкталын кеҥежым мылам.
Лек уремыш, таҥем, лек уремыш, таҥем,
Ынже ойыро йӱштӧ мемнам.
Лек уремыш, таҥем, умыр водын.
Тек чал йӱштӧ оза йырым-ваш.
Я уке гын, шӱмем, я уке гын, шӱмем
Савырна уремеш ий ораш.
Я уке гын, шӱмемже, шкет кодын,
Ойгыралын шорташ тӱҥалеш.
Тек луман поро кас, тек луман поро кас
Ӱмырешлан мемнам ушалеш.
Ожнысек сурт воктене,
Ылыжтен пече кӧргым,
Кажне шошо толмек,
Пеледеш локама.
Конденат шынден омыл,
Вӱдымат оптен омыл,
Куш ом ончо — йырваш
Тиде кушкыл иман.
Погалтем да ӱнарым,
Налам кидыш товарым,
Мо иялан, манам,
Чарныде пеледаш.
Вес айдеме, шотан гын,
Шында ыле киярым,
Урзо тич тӱҥалеш ыле
Мӧрым погаш.
Но садак кажне шошым,
Тӱзатен сурт-оралтым,
Изи тулжым йырваш
Ылыжта локама.
Уренат ом пытаре,
Руэнат ом пытаре —
Илыш вийым пога
Тиде кушкыл иман.
Лишкыжат мые ом тол,
Авыра кеч уремым,
Корштара маншыла.
Рӱзалта лышташлам.
Тый гына шыргыжальыч
Вӱд шарчан шинчат дене:
Пӱтынь шошын моторжо —
Локама, локама.
Йэратымашем мый вашлийым
Шинчавӱд йэре.
Кузе гын чыла тиде лие,
Ом керт умылен.
Припев:
Ломбо, колышт мыйым, —
Йоҥылыш лийынам.
Ломбо... Молан тудым
Утыш луктынам?
Йэратымем мый ойырлымеке
Веле умыленам.
Молан гын тунам, келшымеке,
Весе лийынам.
Припев.
Ну кушто муаш тудым ынде,
Кушто кычалаш?
Вашлийме вереш кеч ломбым
Шынде,
Толын ончалаш.
Припев.
Тошкем мучаште пӱгыр ломбо
Шкет йӱксӧ гае орлана:
Шӱм сем сар шӱшпыкын ок йоҥго
Тудлан гына,
Тудлан гына.
Припев:
Ах, кудыр ломбо, пӱгыр ломбо,
Кузе тетла илаш, ала?
Арам ик омо,
Конча ик омо:
Парчаште шӱшпык лӱҥгалта.
Тошкем йолгорныш шошо водын
Шым лек шке жапыште тунам.
Чон мужыр деч посна мый кодым.
Ала садлан,
Ала садлан.
Припев.
Нимом тетла мый ом вашталте,
От шыргыжал мылам шыман.
Тый, весе дене шергашлалтше,
Лий пиалан,
Лий пиалан.
Припев.
Луатшӹм и цилӓн ир пеледӹш ганьок —
Ылат цевер, нӓрӓштӓ пишок.
Нӓрӓштӓ пишок...
Анжен ласко сӹнзӓш,
Ӱжӓт тӹнь элицӓш —
Луатшӹм ин со шӱмӹштӹ цӓш... 2 гӓнӓ
Луатшӹм и цилӓн мыры гань шӱмӹшток,
Сылаклана, ӹвӹртӓ седок.
Ївӹртӓ седок...
Кенӓ коктын пӓшӓш
Іль сусу вӓшлимӓш —
Їрвезӹ годым веселӓ йӹрвӓш. 2 гӓнӓ
Луатшӹм и цилӓн шошым толшы кек гань,
Тӓнгвлӓн шӱмӹштӹ со цевер май,
Со цевер май...
Малын вӓл, вуйта кек,
Пӹсӹн пиш вӹсен кет?
Кодеш ӓшешнӓ вел ӹрвезӹ жеп... 2 гӓнӓ
Луатшӹм и цилӓн ир пеледӹш ганьок —
Ылат цевер, нӓрӓштӓ пишок,
Нӓрӓштӓ пишок...
Анжен ласко сӹнзӓш,
Ӱжӓт тӹнь элицӓш —
Луатшӹм ин со шӱмӹштӹ цӓш... 2 гӓнӓ
Лум лумеш
Ош вӱргенчык гай ныжыл,
Кодшо жапым
Чыла шарныкта.
Лум лумеш,
Пуйто угыч мый ужым:
Пеленем тый шыман ошкылат.
Тый шарнет,
Лум пораныште йомыч?
Савырналын
Тунам шыч ончал.
Лум лумеш,
Тугаяк чонеш кодыч,
Курымлан
Шыргыжалмет конча.
Лум лумеш —
Мом сэра, мом ок сэрэ?
Пэртылат гын,
Йомат курымлан.
Лум лумеш,
Но шинчат огеш йэрэ,
Пагыт вошт
Шӱдыр гае йӱла.
Чевергалеш сылне кеҥеж
Тыйын мотор чурийыштет.
Молан йӱштэ теле шога — молан —
Тыйын изи шӱмыштет? 2 гана
Эркын, эркын вашталт толеш
Тыйын кэргэ шонышет.
Лиеш сылне, мотор кеҥеж — лиеш —
Тыйын изи шӱмыштет.
Вара адак мыйын велке
Воштылалын ончалат.
Монден ом керт тудо жапым ом керт.
Манын, кидым шуялат. 2 гана
Ош сиреньым мый шым тодыл,
Роза кидыштем уке.
Тиде канде умыр водын
Садиктак тый мондо эпкем. 2 гана
Толын омыл мый теҥгече,
Колын отыл чон йӱкем!
Тый палет: экзамен кече
Ыле мыйын... Мондо эпкем. 2 гана
Икте веле, икте веле
Мыйын ӱдыр титакем:
Тыйым йэратем эрелан!
От ӱшане — мондо эпкем. 2 гана
Сай пиалым рвезе годым
Огыт висе роза ден,
Ош сиреньымат ом тодыл...
Йэратет гын, мондо эпкем. 2 гана
Морко велыш вашкем,
Шеҥше ялыш мием,
Масканурыш пурем,
Тумерышкат шунем.
Припев:
Морко вел кундемем,
Могай шерге улат.
Поро родо-влакем
Шӱмыштемак илат.
Шочмо-кушмо ялем,
Шурнывечым ужам.
Пэрт воктен ош куэм
Йэратен эндалам.
Припев.
Морко мланде, авам,
Вий-куатым пуэт
Шочмо-кушмо кундем,
Мый тылат тауштем.
Припев.
Каныш годым я пашаште
Шоналтем мый, куанен:
Эн моторжо еҥ коклаште
Мыйын огыл мо таҥем? 2 гана
Кумыл почын кутыр(ы)маште
Ойго ден эпкем монден,
Поро мут ден шулдыраҥше,
Мыйын огыл мо чонем?! 2 гана
Теҥыз семын толкыналтше
Пасу, олыкет воктен,
Кудырген, тораш шуйналтше
Мыйын огыл мо корнем?! 2 гана
Кавапомыш сылне-канде
Уло сотыжым велен!
Тиде тыныс шошо мланде
Мыйын огыл мо элем?! 2 гана
Кас пычкемыш волыш ял ӱмбаке,
Помыжалте омыж ер воктен.
Тӱтырам нэлтале лай рӱмбалге,
Йэратен ончен, шерет ок тем.
Припев:
Мылам — латкандаш, мылам — латкандаш,
Чон ӱжеш йэраташ.
Но кушто муаш, вот кушто муаш,
Шӱм пелашым муаш?
Шӱдыр-влак воленыт юзо серыш,
Толкынлаште мушкылтыт, йолгат.
От ӱшане, лек кастене серыш,
Мо лиеш, вара шкеат ужат.
Припев.
Йэратем манметлан
Шуко жап эртале.
Ӱшанен мутетлан
Коштам мый, Натале.
Шем шинчат ӱмбакем
Кечыла ончале.
Тый алят вучыктен
Коштыктет, Натале.
Кум ий жап почешет
Чарныде куржтальым.
Целинаш тый декет
Мийышым мый, Натале.
Пэлекем куанен
Нальыч — порсын шальым.
Вот тыгак нал чонем
Мый дечем, Натале.
Но чонемым налаш
Мутым от пу але.
Ондалалтын кошташ
Сае мо, Натале?
Ӱшаныде, шинчашкет
Мый тачат ончальым...
Шоҥго качым ыштет
Мыйым тый, Натале.
Ни вучалын омыл,
Ни шоналын омыл,
Сонимакым шындымеке
Лывыжга дыр, манын.
Ни вучалын омыл,
Ни шоналын омыл,
Поро таҥ ден келшымеке
Кудалта дыр, манын.
Ынде мыйым колын
Ок мутлане, толын,
Пуйто мыйым ужын огыл,
Товатленат огыл.
А пошкудо ӱдыр
Я ок пале тидым,
Я тудланже мыйын ойго
Нимомат ок шого.
Ойганаш мылам мо?
Шонкалаш мылам мо?
Сонимаке лывыжгалын,
Вӱд шаваш вел кодын.
Икте кудалтен гын
Да чыла монден гын,
Вес моторым йэраталын
Куанаш вел кодын.
Ош ломбер гыч колат шӱшпык йӱкым,
Шӱдыран кас каваш ончалат.
Ала йӧршын шыч вучо тый мыйым,
Ала уто улам мый тылат.
Ах, молан шӱмыш пыштышыч тулым,
"Йӧратем тыйым" маньыч молан?
Ок кӱл ыле ойган куку муро,
Лиеш ыле ласка шӱмемлан.
Тек мондет тые рвезылык касым,
От пыштал тек кидет вачышкем:
Мый шарнем эшеат тудо жапым,
Ончалметым лыжган шинчашкем.
Ош ломбер гыч колат шӱшпык йӱкым,
Шӱдыран кас каваш ончалат.
Шарналтет гын уэш рвезе жапым —
Ит мондал шарналташ мыйымат.
Толынат тый пеш мӱндырчын,
Ош йӱксыла чоҥештен,
Тыпланалше шӱм-кылемым
Адак угыч тарватен. 2 гана
Эре тыйым вученам мый,
Ӱшан илен шӱмыштем.
Изи чонем тулла йӱлыш,
Шижынат мо, чеверем? 2 гана
Пеледале сылне шошо
Толынат да воктекем.
Шӱмлан ласка, чонлан шокшо.
Тыйым веле йӧратем 2 гана
Ик эрдене окнам почылдальым,
Шӧртньӧ кече лекте шыргыжал.
"Пиалан жап" ласкан манылдальым,
Сылне шошым шӱм ден саламлал. 2 гана
Окнам деке пеш лыжган тайналын,
Шошо юж ден ош куэ шӱла.
Мужыр шӱшпык, парчашкыже толын,
Шӱшкалталын, "Сай жап" манылда. 2 гана
Кызыт мые улам тыште шкетын,
Пеленемже уке таҥемжат.
Пӧртылеш вет шӱмбелем тунемын,
Тыгеракын ойла письмажат. 2 гана
Ош тӱняшке пыртлан унала
Тый кӱшеш, аваем, толына.
Шепка тӱр гычак шижым порет,
Ойлена ме таум тыланет.
Припев:
Шочшо верчын йӱла
Ава шӱмжӧ тул деч виянрак.
Садланак мо вара,
Аваем, шоҥгемат пеш ондак? 2 гана
Эр волгенчыла эртыш йолген
Йоча пагыт шижде воктенет...
Ынде таче пелен уныкат
Ялт мемнан семынак юарлат.
Припев.
Мый йодам, Юмо деч сӧрвален,
Ӱмыреш лияшет пеленем.
Кече семын волгалтын эртак
Тые шого, авай, эре чак.
Припев.
Тыйым вашлиям да
Ом лук мутымат,
Кеч оемже ямде,
Писе йылмемат.
Тыйым вашлиям да
Мурымым чарнем —
Йолташем тӱҥалын,
Тек мура, шонем.
Наҥгаем букетым,
Тыйым вашлиям.
Ом кучал кидетым,
Вуйым савалам.
Ончеда те коктын
Мыйын ӱмбакем,
Кок саламым колын,
Воктечда эртем.
Серышым возем мый —
Шинчашем коят.
Так почам чонемым,
Ом колто тылат.
Тыйым вашлиям да
Шогалде эртем.
Йолташем тӱҥалын,
Келшыже шонем.
Ош пеледыш лывыжген,
Ал пеледыш когарген.
Йомын тошкымо кышат,
Почешем арам коштат.
Припев:
Ах, коштан, тошто таҥ,
"Ужатем" манмет молан?
Ончалам да воштылам,
Савырнем да ошкылам.
Ах, коштан, тошто таҥ,
"Йӧратем" манмет молан?
Йӱр йӱреш ма, лум лумеш,
Чон пайрем садак лиеш.
Окнашкем арам ончет,
Сӧрвален, арам вучет.
Припев.
Шыргыжам мый веселан,
Тылат огыл, весылан.
Шомакет лум гай шула,
Тый от кӱл мылам тетла.
Припев.
Ош пеледыш лывыжген,
Ал пеледыш когарген.
Йомын тошкымо кышат,
Почешем арам коштат.
Припев.
Каласе мыланем эн ныжылге мутетым,
Каласе мыланем.
Эре тый чоныштем улат эн лишыл семын,
Улат тый чоныштем.
Мый тидым тыланет ойлем шӱм муро йӱкын,
Ойлем мый тыланет.
Ойлем мый тыланет.
Ужам да йывыртем пеледыш чуриетым,
Колам да лыпланем яндар лыжга йӱкетым,
Мондем гын, йӱдомем
Шарныктара улметым, шӱмбел йӧратымем.
Муралте мыланем эн ныжылге муретым,
Муралте мыланем.
Сар шӱшпык гай йӱкет шыҥен пеледше чоныш,
Сар шӱшпык гай йӱкет.
Сандене тый дечет вучем лыжга вашмутым,
Вучем мый тый дечет.
Вучем мый тый дечет.
Ужам да йывыртем пеледыш чуриетым,
Колам да лыпланем яндар лыжга йӱкетым,
Мондем гын йӱдомем
Шарныктара улметым, шӱмбел йӧратымем.
Шӱмбел йӧратымем,
Мый тул пеледыш лийым. Лишемын воктекем,
Ончалын колто мыйым.
Кунам йога памаш, ила йӧратымаш.
Тарване пеленем тора я лишыл корныш,
Тарване пеленем.
Ӱшане мыланем, лиям тылат эҥертыш,
Ӱшане мыланем.
Волгалтын йӧратен, ойлем эн шерге мутым,
Корнетым волгалтем.
Мый тыйым йӧратем.
Колышт, колышт чонем гыч лекше семым,
Ала шым мошто мут ден каласен.
Шоно, шоно, йӧратыше шӱмемым
Ала кертеш ойлен ты муро сем.
Пеш шуко, пеш шуко каваштыже шӱдыр.
Молан гын лач тылзе икте гына?
Пеш шуко, пеш шуко тӱняште сай ӱдыр.
Молан шӱмыштемже улат тый гына?
Припев:
Ой, молан гын таче уке йӱд омемже?
Мотор чуриетше эре шинчаштем.
Йӱлалше чонемже тылат ойлынеже:
"Йӧратем, шӱмбелем, тыйым вел йӧратем".
Шӱм вургыж вучем мый вашлийме касым,
Нимо дечын шерге улат, шӱмбелем.
Шумек тиде касше, вучем саде жапым,
Молан йӱлалтет гын тынар шӱм-чонем?
Припев.
Тыяк вел кӱлат кеч-куштат, шӱмбелем,
Шулдыр дечын посна огеш лий чоҥешташ.
Кайыклан шулдыр семын кӱлат мыланемже,
Вӱр модмо жап годым кӱлешыс пелаш.
Арален шым мошто
Тыйым пеленем.
Умыло, ит воштыл,
Чынымак ойлем.
Кызыт шкетын кодым
Сур куку гаяк,
Неле кече годым
Тый кӱлат, тыяк!
Пӧлеклен букетым
Маньыч: "Йӧратем".
Ынде шӱм йӱкетым
Мо ден пӧртылтем?
Мыйын ыле весе
Шинчаштем тунам.
Шоненам, ту рвезым
Мый йӧратенам...
Тый, кертат гын, мондо
Рвезылык ӧпкем.
Ал букетым кондо —
Шӱмыштем ашнем.
Тый улат мыланем ныжыл йӱр,
Шыве-шыве лыжган кутырет.
Ончалам ӱмбакет — шолеш вӱр,
Ик мутетым колам да ырем.
Тый улат ныжыл йӱр мыланем,
Йӱрлык вачыш ӱпетше велеш.
О, кузе тыланет куанем,
Пеленет пуйто шошо толеш.
Ныжыл йӱр мыланем тый улат,
Муро шӱлыш коеш шинчаштет.
Тунемам шоныметым палаш,
Тунемнем мый лияш пеленет.
Йылдырий турийын йӱкшӧ
Шошо толмым шижтара.
Йолташемын ныжыл тӱсшӧ
Шӱм-чонем сымыстара.
Припев:
Угыч шошо, угыч шошо,
Угыч шошо чоныштем,
Угыч илыш пеледалте
Угыч тыйым вел вучем.
Воктенем таҥем лиеш гын,
Йӱштӧ телат шошо гай,
Шӱдыран шинчат ужам да
Пеледеш йырваш у май.
Припев.
Шошым чактарен огеш керт
Нимогае йӱштыжат,
Йӧретен чарен огеш керт
Шӱм йолташым нигӧат.
Припев.
Ужарге-лай шовыран чашкер шога,
Чашкерыште ломбыжо, ай, шога.
Чашкерышке пуралам - ямже уке,
Ломбыгичкым пурлалам - тамже уке. 2 гана
Чевер олык постожо шарлен кия,
Олык покшел мӧр саска тӱзлана.
Олыкышко волалам — ямже уке,
Чевер мӧрым пурлалам — тамже уке. 2 гана
Курык йымал памашше волгалт йога,
Йӱштӧ памаш вӱдшӧ-лай, ай, йога.
Памаш воктек волалам — ямже уке,
Ший гай вӱдшым подылам — тамже уке. 2 гана
О, кузе вученам
Вашлиймаш кечынам!
Кузе рвезе шӱмем шолын модын!
Кече кечым поктен,
Тыге тылзе эртен -
Шергакан пагытна толын шуын.
Припев:
О, кузе вученам.
О, кузе вученам.
Вашлиймаш кечынам
Вученам.
Тый шогет ончылнем
Мый шымлен ончалнем
Чонеш пижше сынетым адак.
Тый тугаяк улат,
Эркынрак воштылат,
Шем шинчат чолгыжеш утларак.
Колышт, ӱдыр, оем —
Нимом ом керт шылтен
Яндар тул ден йӱлалтше чонем.
Кеч-кунам пеленет,
Кеч-кунам тыланет
Уло кӧргӧ тулем пӧлеклем.
Пӹлгомышты, валгалт,
Шӹдӹрвлӓ йылалтат...
Ик шӹдӹр сотырак, сотырак.
Припев:
О шӹдӹр, Цолга шӹдӹр,
Валгалтат йӹрӹм-вӓш.
Мондет со тӹньжӹ вел
Йӹрӓлтӓш, йӹрӓлтӓш.
Вӓшлимӹ йӹдеок
Попалтынем пишок —
Тӹнь эртет юкдеок, юкдеок.
Припев.
Хоть-кышкы кем гӹнят,
Тӹнь каят эчеӓт
Шӹдӹрлӓ кӹзӹтӓт, кӹзӹтӓт.
Припев.
Чеверынат-чеверын мо коеш?
Курыкышто кӱшӧ мӧр огыл мо?
Курыкышто мӧржӧ кӱылдалеш,
Чеверынат-чеверын олык коеш.
Волгыдынат-волгыдын мо коеш?
Курык шеҥгеч лекше кече огыл мо?
Курык шеҥгеч кече легылдалеш,
Волгыдынат-волгыдын ялем коеш.
Чоҥештенат-чоҥештен мо кая?
Лай шулдыран кайыккомбо огыл мо?
Кайыккомбо кӱшыч эртен кая,
Чоҥештенат-чоҥештен, пагыт кая.
Эрталынат-эрталын мо кая?
Саска гае ямле пагыт огыл мо?
Саска гае ямле пагыт толаш кая,
Эрталалше ӱмыр толдымаш кая.
Мӱндыр мландыш чоным йӱлалтен
Ужатальым тыйым, йолташем.
Ший шергашым пуышыч тый тунам,
"Вучо, — маньыч, — вашке пӧртылам".
Эртыш теле, эртыш кеҥежшат.
Толмым чарныш тыйын письматшат.
Арам коштым памаш кӱвар дек,
Монденат тый корным таҥет дек.
Мӱндыр мландыш чоным йӱлалтен
Ужатальым тыйым, йолташем.
Ший шергашым пуышыч тый тунам,
"Вучо, — маньыч, — вашке пӧртылам".
Мондаш лиеш мо шочмо-кушмо верым,
Садер лоҥгаш верланыше ялем?
Кумда пасум, яндар Немда вӱд серым
Мондаш огеш лий, мый эре шарнем. 2 гана
Эрат-касат эре улат шинчаштем,
Шонен илем, кеч-куш каем гынат,
О шочмо мланде, тый кумда тӱняште
Нимо деч шерге мыланем улат! 2 гана
Йоча жап годым тыште модын коштым. Сӧрал йомак гай тудо жап эртен. А кӧ ок шарне школыш коштмо корным? Йӱштат, шокшат — чыла ужаш пернен. 2 гана
Кеҥеж кастене, тымык йӱд лиймеке,
Мурен-куштен, ял мучко коштынам.
Ломбер коклаште, вес гана ужмешке,
Мый ӱдыръеҥым шокшын шупшалынам. 2 гана
Мондаш лиеш мо шочмо-кушмо верым,
Садер лоҥгаш верланыше ялем?
Кумда пасум, яндар Немда вӱд серым
Мондаш огеш лий, мый эре шарнем. 2 гана
Ик мутде, шыргыжал,
Ончылнемже шогет,
Мый ом пале, мом тый
Тиде годым шонет.
Но толеш кечыйол
Шокшо гай тый дечет,
Да ыра мыйын шӱм,
Шыргыжметым ончен. 2 гана
Ончалам шинчашкет:
Весела тул йӱла,
Мый адак рвезештам
Лу я коло ийлан.
Куш кает, куш пурет
Да кӧлан каласет,
Но моткочак чонем
Пиаланым ыштет. 2 гана
Но тӱня мыйын йыр
Волгыдемын толеш,
Пуйто эр ӱжара
Вашешем нӧлталтеш,
Пуйто мый, шулдыраҥ,
Ала-куш чоҥештем.
Йод, молан, йод, молан
Шыргыжмет чоныштем. 2 гана
Ончет шонанпылым — пуйто порсынан.
Сӱан годсо пӱгӧ шым тӱрлӧ сынан.
Тидым ужын, кажне гана
Пеледеш кумылна,
Тӱрлӧ тӱсын, лач тудын семын
Йӱла шӱм-кылна.
Тек йӱлыжӧ порсын — сото куанна.
Ида ушо тушко шем тӱсым гына.
Тый мондет гын тидым, йолташ,
Тӱҥалат орланаш.
Шӱм куатын йомартле семым
Мыланна мураш.
Пӧлек лийже кажнын — шонанпыл букет.
Тунам гына порым шижат воктенет.
Тидым сайын ме умылена,
Пиалан улына.
Шонанпыл гай уэм весемын
Мемнан кумылна.
Йӱштӧ телым шоныметым
Возенат тый ош лумеш.
Шӱм гыч лекше ты мутетым
Ынде шошо вӱд мушкеш.
Припев:
Шинчаштемже тыйынак веле
Чевер мак гай чуриет.
Ушыштемже, йӧратем манын,
Вожылалын ойлымет.
Ала шошым шып кастене
Весым веле тый вучет.
А молан гын шинчашкемже
Тугакак тура ончет?
Припев.
Ала мый тунам арамак
Тыланет ӱшаненам?
Лумеш огыл, шӱмешемак
"Йӧратем" ман возенам.
Припев.
Кӱшнӧ, кӱшнӧ, каваште
Изи шӱдыр йӱлалеш.
Йӱла-йӱла да йӧра,
Мыйым шкетемак кода.
Припев:
Ой, изи шӱдырем,
Кушко тые йомынат?
Молан вара тые
Мыйым коденат?
Ыле мыйын сай таҥем,
Изи годсо йолташем,
Кайыш мыйым кудалтен,
Ала-кушко пеш тораш.
Припев.
Кӱшнӧ, кӱшнӧ каваште
Изи шӱдыр йӱлалеш.
Йӱла-йӱла да йӧра
Мыйым шкетемак кода.
Припев.
Шочмо ял. Тымык кас. Эркын-эркын
Шӧртньӧ тылзе кавашке нӧлтеш.
Мый коштам сад воктен ынде шкетын,
Тыйымак шонкален волгыжмеш.
Мый декем тый от лек ынде куржын
Шӱдыр-влакым каваште шотлаш.
Кидышкет вочшо кушкылым туржын,
Шӱшпык мурымо парчам эскераш.
Тый чыла наҥгаенат тиде сад гыч,
Мо гына шӱм-чонем тарватен?
Огеш тол шӱшкалташ шӱшпыкшат кеч,
Тылзымат коденат йӱкшыктен.
Пешак йӧсӧ чонлан, но огеш лий,
Мо эртен гын, уэш пӧртылташ.
Илыза йӧратен, ӧпкем ок лий,
Ушнымаш шӱртӧ огыл кӱрлаш.
Ой, молан Мишканыш
Мийышым гын мый?
Кеч паша, кеч каныш —
Ушыштем лач тый.
Кушто, эрвел лыве,
Тый чоҥештылат?
Тиде мурым мые
Пӧлеклем тылат.
Шонанпыл гай тувыр,
Поро шем шинча.
Ӱпшӧ кудыр-кудыр,
Ваче гоч кеча.
Кушто, эрвел лыве,
Тый чоҥештылат?
Тӱняштат тый веле
Эн айват улат.
Ик гана ужат гын,
Ӱмыреш шарнет,
Вашлиялме жапым
Лишемдаш тыршет.
Кушто, эрвел лыве,
Тый чоҥештылат?
Тӱняштат тый веле
Мыланем кӱлат.
Эҥер вӱд ӱмбалне
Ӱжара модеш.
Келшым йолташемым,
Ой, ужмем шуэш.
Припев:
Молан кастене садыш
Лекмым чарненат?
Молан тый ӱдыр чоныш
Тулым пыштенат?
А-а-а-а-а-а-а,
А-а-а-а-а-а,
Молан тый ӱдыр чоныш
Тулым пыштенат?
Кузе шӱмлан неле,
Муро каласа.
Тыйым ужын веле
Чонем сӧраса.
Припев.
Вучем вашлиялмым
Уэш тый денет.
Курымеш лийнем мый
Тыйын пеленет.
Припев.
Эркын-эркын мондет тые мыйым,
Ала весым шӱмет йӧратен?
Лачак мые гына эре тыйым
Илалам кеч-куштат шарналтен. 2 гана
Йӱледӱр олык гочын йолгорным
Эртышна ме пырля, такыртен...
Тиде жапым шарнет гынат порын,
Ой, огеш лий кондаш пӧртылтен. 2 гана
Ӱдыр-каче эртат, муралталын...
Тетла коктын она лек кастен.
Мемнан рвезе жапнам шарныкталын,
Эр велеш шаланат, юарлен. 2 гана
Эркын-эркын мондет тые мыйым,
Ала весым шӱмет кычалеш?
Лачак мые гына эре тыйым
Илалам кеч-куштат шарналтен. 2 гана
Шошо пагыт, сылне пагыт —
Пеледалте садерем.
Мый тошкемыш, шыргыжалын,
Кечынат лекташ кӧнем.
Ал кеҥежым эн чевержым
Кидышкем олмам кучем.
Санденак шӱмбел садерыш
Шӱшпыкем деке вашкем. 2 гана
Припев:
Икте мыйын, икте мыйын,
Икте мыйын шӱшпыкем.
Икте мыйын, икте мыйын
Йӧраталме йолташем.
Шыже кечын, шӱлык кечын
Садерем велалт йога.
Лачак мыйын шӱм-чон дечын
Шӱшпык сем тугак йоҥга.
Йӱштӧ телым ош лум, велын,
Йолгорнем левед шында.
Мый илем, у шошо толмым
Шӱм-чон дене лишемдал. 2 гана
Припев.
Икте-весынажым
Ваш йӧратена.
Кидпӱаныш налын
Ошкыл колтена.
Таче коктын,
Эрла коктын,
Эре коктын лийына.
Ош тӱняште,
Йывырталын,
Ме волгалтын илена.
Припев:
Коктын ӱмыр мучко,
Ончык ик семын ошкыл,
Ваш-ваш келшен илен,
Висвис кумылым нӧлтен,
Нелым иквереш сеҥен,
Еҥлан порым вел шонен,
Коктын чоҥена ме сай ешым,
Йӧратен калыкнам.
Таҥ ден ӱмырнажым
Иктыш ушышна,
Да кушкеш ешнаже,
Шочшым ончена.
Таче коктын,
Эрла коктын,
Эре коктын лийына,
Ош тӱняште,
Куаналын,
Шӱшпык гае илена.
Припев.
Ныжыл кумылетлан
Мые ойлынем:
"Пу, йолташ, кидетым.
Лий тый пеленем".
Таче коктын,
Эрла коктын,
Эре коктын лийына.
Ош тӱняште,
Вычыл-вычыл,
Вараксим гай илена.
Припев.
Ынде мом ыштем, ом пале, —
Йогынвӱд мӧҥгеш ок кай,
Ош вӱргенчыкет йымалне
Тый коят ош йӱксӧ гай.
Шергашан кидет гыч налын,
Каче вальсышке луктеш,
Чон пиалым, еш пиалым
Тыланен, шӱмем шортеш.
Припев:
Юмынӱдыр, Юмынӱдыр,
Ош кава гыч воленат,
Пиалемлан, орлыкемлан
Мыланем тый конченат.
Юмынӱдыр, Юмынӱдыр,
Ах, кузе тый шыргыжат!
Но молан гын, но молан гын,
Весылан тый шочынат?
Ах, кузе чӱчкен да лоҥын
Шӱвыр-тӱмыран сӱан.
Мыйын огыл, мыйын огыл! —
Шинчавӱд пурам йӱам.
Тиде сий моткочак кочо,
Вет оръеҥже — чон ойгем.
"Кочо, кочо, ой, пеш кочо!" —
Шинчавӱд вошт кычкырем.
Припев.
Ынде мом ыштем, ом пале, —
Шонкален, ушем кая:
Кидпӱан гыч тыйым налын,
Весе-весе наҥгая.
Шып ончальыч ваче гочын,
Пуйто шижын шонымем.
Пӱрен отыл, пӱрен отыл,
Пӱрен отыл мыланем.
Ял покшелне, клуб воктене,
Пеш мотор ӱдыр ила.
Клуб воктечын пӧрт шеҥгеке
Кок йолгорно шып мия.
Кок йолгорнын кок мучаште
Кок мотор каче шога,
Ӱдыръеҥын пӧрт гыч лекмым
Шаҥгысек вургыж вуча.
Коктынат пеш чевер улыт,
Коктынат — шокшо шӱман.
Коктынат чот йӧратеныт
Чапым налше ӱдырнам.
Ял мучаште, ер воктене,
Сай, чечен садер воктен,
Ӱдыр фермыште — пашаште
Умыр касым эртарен.
Такыр корным такырталын,
Мом те коштыда, ала?
Ӱдыр йӧрата шке таҥжым,
Таҥже мӱндырнӧ ила.
Яндар-яндар, яндар вӱдшӧ
Ий ӱмбачет йогалеш.
Эшеат яндар шинчавӱдшӧ
Илыш верчын йогалеш.
Шошо шуэш, лум шула,
Капка йырем вӱд налеш.
Так илышем шарналтем да,
Шинча йырем вӱд налеш.
Мураш веле тӱҥаламат,
Агытанже муралта.
Ала ойго ужшашемлан,
Ала пиалем укелан.
Яндар-яндар, яндар вӱдшӧ
Ий ӱмбачет йогалеш.
Эшеат яндар шинчавӱдш